guð

Ég er stolinn,

græði gras á vorin.

Ég er rændur -

með sumri sameinast frændur.

            Flýg yfir morð og nauðganir

            með býflugur í maganum.

Ég er klofinn,

úr samviskuleysi er ofinn.

Ég er leyndur -

meiriháttar og afburða greindur.

            Flýg yfir morð og nauðganir

            með yfirtöku á heilanum.

Ég er sperrtur,

glaumfullur og gróðamerktur.

Ég er rotinn -

óttist mig og verið mér lotin.

            Flýg yfir morð og nauðganir

            með spyllingu í vasanum.