Þinghús-Bar

Lengst úti á landi, 
í litlum bæ við Kirkjuhvamm,

er vina vertshús, 
vel og mikið því ég ann.

Á Þingús-bar, þar glaum ég meta kann.

Ósjaldan höfðum setið 
og sukkað svívirðislega þar,

pælt í trú og pólitík 
og prísað Þinghús-bar.

Á Þinghús-bar, mitt annað heimili þar var.

Já, vinalegt vertshús 
í annars vesælis smábæ.

Þegar súr, á Þingúsið 
var ekki lengi’að “droppa bæ”,

á Þinghús-bar. Mitt annað heimili þar var.

Kannski sat þar Kjartan 
með kaffið sitt og smók.

Hann talsvert virðir tónlistina; 
telur hana ekkert djók.

Á þinghús-bar, ég nám um lífið nam.

Og Tóti bakvið barinn, 
bestu drykki bar hann fram.

Ef vin þér fór að vanta, 
væni, þú hóaðir í hann.

Á Þinghús-bar, mitt annað heimili þar var.

Á Þinghús-bar, á Þinghús-bar, 
mér þótti best að gá,

að blanda geði og bulla 
og í brennivíni sulla smá.

Á Þinghús-bar, mitt annað heimili þar var.

En nú liðið er að lokum 
fyrir litla barinn minn.

Strákarnir hættu, 
seldu húsið og reksturinn.

Nú Þinghús-bar er allt annar en hann var.